HENRICIANI

HENRICIANI

dicti sunt per convitium a Pontificiis ii, qui adhaerebant Henrico IV. et V. Impp. quorum inter errores hunc praecipuum censet Cat. Macer, quod, quando dixerat Christus Petro, Pasce oves meas, nullam his verbis Papae in Impp. potestatem collatam esse, asseruerint. Vide eum in Hierol. C. du Fresne Henricianam haeresin Simoniam fuisse, quam praefati Impp. Episcopatuum et Ecclesiarum inverstituris exercuerint, ait, ex Gulielimo Apuliensi de Gestis Normann. l. 3.

---- ---- Quia Rex Henricus ab illo

Damnatus fuerat, propter commissa nefandis

Accumulata modis: nec enim venundare sanctas

Ecclesias veritus, perversum dogma colebat

Simonis, et nullum donabat Pontificali

Culmine, praeter eos: qui maxima dona tulissent etc.

vide omnino Henricum IV. Quanto autem Henricianos hosce odio prosequuti sint Pontifices, discimus ex Vita S. Anselmi Lucensis Ep. a Luca Waddingo edita cum Notis, ubi inter alia haec habentur §. 38. Henricianos vero penitus penitusque, nisi post magnam demum conversionem et paenitentiam, reprobavit. Imperatores.